भाइको कुटपिटबाट दाजुको मृत्यु
सभापोखरी गाउँपालिका- ३ एथुम्बुमा भाइको कुटपिटबाट दाजुको मृत्यु भएको छ ।
प्रहरीका अनुसार शुक्रबार बेलुकी ५ बजे ४१ वर्षीय सनमान राई (बोल्न नसक्ने) लाई सामान्य घरायसी विवादको क्रममा उनकै भाइ ३८ वर्षीय प्रविन राईले कुटपिट गरेका थिए । घाइते सनमानकाे सोही दिन बेलुका साढे ८ बजे आफ्नै घरमा मृत्यु भएको प्रहरीले जनाएकाे छ ।
कुटपिट गर्न प्रविन शुक्रबार बिहान पक्राउ परिसकेका छन् । कुटपिट गर्दा सनमानको मृत्यु भएको भन्नेल खबर प्राप्त हुनासाथ प्रहरी चौकी बाह्रबिसेबाट खटिएको प्रहरीले उनलाई पक्राउ गरेको जिल्ला प्रहरी कार्यालय संखुवासभाका प्रहरी निरीक्षक अशाेक जबेगुले बताए ।
घटनाका सम्बन्धमा आवश्यक अनुसन्धान भइरहेको प्रहरीले जनाएको छ । मृतकको शव परीक्षणका लागि जिल्ला अस्पताल संखुवासभामा राखिएको छ ।
