संखुवासभा आउँदै गरेको माइक्रोबस धनकुटामा दुर्घटना, १९ जना घाइते

काठमाडौंबाट संखुवासभा आउँदै गरेको माइक्रोबस धनकुटा नगरपालिका-९ स्थित रुद्रबारी सडकखण्डमा गएराति २ बजे दुर्घटना भएको छ ।

जिल्ला प्रहरी कार्यालय धनकुटाका अनुसार माइक्रोबस दुर्घटना हुँदा १९ जना घाइते भएका छन् । घाइतेमध्ये ९ जनाको धरानस्थित बीपी काेइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ । उनीहरु सबको अवस्था सामान्य रहेको छ । अन्य १२ जनाको भने धनकुटा जिल्ला अस्पतालमा उपचार भइरहेको बताइएको छ ।

अनियन्त्रित भई माइक्रोबस दुर्घटनामा परेको हुनसक्ने प्रहरीकाे अनुमान छ । दुर्घटनापछि माइक्रोबसका चालकलाई प्रहरीले नियन्त्रणमा लिएको छ ।