धर्मदेवी-४ ले जित्यो भलिबल प्रतियोगिताको उपाधि
संखुवासभाकाे मादी नगरपालिका-६, राम्बेनीमा अन्तरवडा भलिबल प्रतियाेगिता सम्पन्न भएकाे छ । स्थानीय दिपज्याेति युवा क्लबले आयाेजना गरेकाे साे प्रतियाेगितकाे उपाधि धर्मदेवी नगरपालिका-४ ले जितेकाे छ ।
बुधबार सम्पन्न फाइनलमा भाेजपुरकाे अरूण गाउँपालिका-१ लाई साेझाे सेटमा पराजित गर्दै संखुवासभाकाे धर्मदेवी-४ ले उपाधि हासिल गरेकाे हाे । धर्मदेवी-४ ले उपाधिसँगै नगद ५० हजार र ट्रफी हात पार्याे । उपविजेता अरूण गाउँपालिका-१ ले नगद २५ हजार र ट्रफी प्राप्त गर्याे ।
प्रतियाेगितकाे समापन कार्यक्रमका वक्ताहरूले क्लबका लागि आ-आफ्नाे क्षेत्रबाट सकेकाे सहयाेग गर्ने प्रतिवद्धता जनाए । साे अवसरमा प्रतियाेगितका लागि सहयाेग गर्ने संस्था र व्यक्तिलाई सम्मान गरिएकाे क्लबका उपाध्यक्ष जीवन बस्नेतले जानकारी दिए । समापन कार्यक्रममा विभिन्न संस्कृतिमा आधारित नृत्यहरू पनि प्रस्तुत गरिएकाे थियाे ।
२०७६ सालमा स्थापित क्लबले बर्सेनि आयाेजना गर्ने भलिबल प्रतियाेगिताकाे याे तेस्राे संस्करण हाे । आगामी वर्षमा प्रतियाेगितालाई अझ वृहत र व्यवस्थित बनाउने उपाध्यक्ष बस्नेतले बताए ।
१८औं शताब्दीमा निर्मित राममन्दिर रहेकाे राम्बेनी संखुवासभाकाे मादी, चैनपुर र धर्मदेवी नगरपालिकाकाे संगमस्थल तथा मायाखाेला र पिलुवाखाेलाकाे दाेभानमा अवस्थित छ ।
