अरूण नदीमा शव फेला

चैनपुर नगरपालिका-१०, दमकट्टास्थित अरुण नदीमा एक पुरूषको शव फेला परेकाे छ । नदीकाे घुमाउने दहमा पहिचान नखुलेको पुरूषको शव भेटिएकाे हाे ।

नामथर, वतन नखुलेको उचाई अन्दाजी ५ फिट, दायाँ नाडीमा अंग्रेजी अक्षरमा ‘एमएलआईवाई’ जस्तो देखिने ट्याटु भएको पुरूषको शव फेला परेको जिल्ला प्रहरी कार्यालयले जनाएकाे छ । प्रहरीका अनुसार शव अन्दाजी ४० वर्षको पुरुषको अनुमान गरिएकाे छ ।

शव जिल्ला अस्पतालमा पोस्टमार्टमका लागि ल्याइएको छ ।