ट्याक्टर दुर्घटनामा चालकको मृत्यु

चिचिला गाउँपालिकास्थित छ्याङ्कुटीमा ट्याक्टर दुर्घटना हुँदा चालकको मृत्यु भएको छ । आज दिउँसो चिचिलाबाट छ्याङ्कुटीतर्फ आउँदै गरेको प्र-१-०२-००३ त १६८३ नम्बरको ट्याक्टर दुर्घटना भएकाे हाे ।

दुर्घटनामा चालक दावा शेर्पाको मृत्यु भएको जिल्ला प्रहरी कार्यालय संखुवासभाले जनाएको छ । सहचालक लाक्पा रिञ्जिन शेर्पा घाइते भएका छन् । घाइतेको जिल्ला अस्पतालमा उपचार भइरहेको छ ।

शव पोष्टमार्टमका लागि जिल्ला अस्पतालमा राखिएको प्रहरीले जनाएकाे छ ।