‘सुर्यबहादुर सोम्याहाङ स्मृति कप’को खेल तालिका सार्वजनिक

चैनपुर-१० मा हुने ‘सुर्यबहादुर सोम्याहाङ स्मृति कप’ पुरुष फुटबल नक-आउट प्रतियोगिताको खेल तालिका सार्वजनिक भएको छ । ‘चौथो मिनी खेलकुद महोत्सव २०८०’अन्तर्गत सो प्रतियोगिता सञ्चालन हुन लागेकाे हाे ।

आयोजक किरण ज्योति युवा क्लबले सार्वजनिक गरेको तालिकाअनुसार वैशाख १९ गते अपराह्न हुने उद्घाटन खेलमा आयोजक र धर्मदेवी-४ माम्लिङको याक्खाचोक डोकेनी युवाबीच प्रतिस्पर्धा हुनेछ । प्रतियोगितामा ८ टोली सहभागी छन् । फाइनल खेल वैशाख २२ गते दिउँसो २ बजे हुने क्लबले उल्लेख गरेको छ । सम्पूर्ण खेल क्लबको चैनपुर-१०, खाल्टेस्थित खेलमैदानमा हुनेछ ।

आयोजकले आमन्त्रित महिला फुटबलको पनि खेल तालिका सार्वजनिक गरेको छ । महिला टोलीहरु आयोजक र फोकस-१६ क्लब धरानबीच वैशाख २२ गते बिहान १० बजे खेल हुनेछ । महिला टोलीमध्ये प्रथम र द्वितीयले क्रमशः १० र ५ हजार नगद प्राप्त गर्नेछन् ।

सुर्यबहादुर सोम्याहाङ स्मृति कपको विजेताले उपाधिसहित नगद १ लाख ११ हजार १११, उपविजेताले ६६ हजार ६६६ तथा सान्त्वना दुई टोलीले समान २२ हजार २२२ नगद पाउने आयोजक क्लबका अध्यक्ष सनतकुमार ओक्तुहाङले जानकारी दिए ।

महोत्वसमा जातजातिहरुको झाँकी पनि प्रस्तुत गरिनेछ । उत्कृष्ट दुई झाँकीले क्रमशः नगद १० र ५ हजार रुपैयाँ प्राप्त गर्नेछ । पुरुष पेरुङगो बुन्ने र महिला टपरी गाँस्ने प्रतियोगिताका विजेता प्रथमलाई दुई हजार, द्वितीयलाई १५ सय र तृतीयलाई एक हजार नगदद्वारा पुरस्कृत गरिने क्लबले जनाएको छ ।

खेल तालिका :