इलाम २ मा मतगणना सुरु

इलाममा मतगणना सुरु भएको छ । सर्वदलीय बैठकले मतगणनासम्बन्धी निर्णय गरेपछि सदरमुकाम इलाम बजारस्थित गौतम बुद्ध सभागृहमा भर्खरैबाट मतगणना सुरु गरिएको हो ।

फाकफोकथुम गाउँपालिकाको मतगणना भएकाे छ । त्यसपछि चुलाचुली गाउँपालिका, माङसेबुङ गाउँपालिका, माई नगरपालिका, देउमाई नगरपालिका र अन्त्यमा इलाम नगरपालिकाको मतगणना हुने जनाइएको छ । इलाम-२ मा करिब ६९ हजार मत खसेको छ ।

इलाम-२ मा कांग्रेसका डम्बर खड्का, एमालेका सुहाङ नेम्वाङ, रास्वपाका मिलन लिम्बू र पहिचान पक्षधर स्वतन्त्र उम्मेदवार डकेन्द्रसिंह थेगिमबीच प्रतिस्पर्धा हुने अनुमान छ ।