नवयुगलाई उपाधि

किरण ज्याेति युवा क्लब, चैनपुर-१० ले आयाेजना गरेकाे दाेस्राे ‘सुर्यबहादुर सोम्याहाङ स्मृति कप’ पुरूष फुटबल प्रतियाेगिताकाे उपाधि नवयुग युवा क्लब पोखरीले जितेको छ । नवयुगले उपाधिसहित नगद १ लाख ११ हजार १११, ट्रफी, मेडल र प्रमाणपत्र प्राप्त गरेकाे छ ।

क्लबको चैनपुर-१०, खाल्टेस्थित खेलमैदानमा शनिबार भएकाे फाइनलमा नवयुगले माेरङकाे सिद्धार्थ युवा समाजलाई ट्राइबेकरमा ३-२ गाेलले पराजित गर्दै उपाधि हासिल गरेकाे हाे । उपविजेता सिद्धार्थ युवा समाजले ६६ हजार ६६६ रूपैयाँसहित ट्रफी, मेडल र प्रमाणपत्र प्राप्त गर्‍याे ।

आमन्त्रित महिला फुटबलतर्फ आयोजकलाई १-० गोलअन्तरले हराउँदै फाेकस-१६ धरानले उपाधि हात पारेको छ । उपाधिसहित फाेकस-१६ ले नगद १० हजार तथा उपविजेता किरण ज्याेतिले ५ हजार प्राप्त गरेकाे छ ।

‘चौथो मिनी खेलकुद महोत्सव २०८०’काे अवसरमा फुटबलकाे अतिरिक्त सांस्कृतिक झाँकी, महिलाको टपरी गाँस्ने र पुरुषको पेरिङगाे बुन्ने प्रतियोगिता पनि आयाेजना गरिएकाे थियाे ।

किरण ज्योती युवा क्लबको वार्षिक उत्सव तथा नयाँ वर्ष २०८१ सालको अवसरमा आयोजित प्रतियाेगताअन्तर्गत पुरूषतर्फ ८ र महिलातर्फ २ टिम सहभागी थिए ।