चट्याङ लागेर ७२ वटा भेडा मरे

सभापाेखरी गाउँपालिकामा चट्याङ लागेर भेडीगाेठका ७२ वटा भेडा मरेकाे छ । आइतबार राति बर्षासँगै परेकाे चट्याङ लागेर सभापोखरी गाँउपालिका- ५ पेरुम्बामा एकै व्यक्तिका ७२ वटा भेडा मरेकाे हाे ।

जिल्ला प्रहरी कार्यालयका अनुसार सभापाेखरी, फाकुवाका साेमबहादुर लिम्बुकाे भेडा मरेकाे हाे । त्यस स्थानमा उनकाे चार सय वटा भेडा थिए । घटनाबारे जानकारी पाएपछि प्रहरी चाैकी बाह्रबिसे र सभापाेखरी गाउँपालिकाबाट पशु प्राविधिककाे टाेली घटनास्थल पुगेकाे थियाे । टाेलीले स्थलगत जाँचबुझ गर्दा १४ लाख रूपैयाँ बराबरकाे क्षति भएकाे जिल्ला प्रहरी कार्यालयले जनाएकाे छ ।

घटनास्थल प्रहरी चौकी बाह्रबिसेबाट अनुमानित ७ घण्टाको पैदल दुरीमा रहेको छ ।