धर्मदेवीमा टोल विकास संस्थालाइ हाते ट्रयाक्टर वितरण

धर्मदेवी नगरपालिकाको ६ नम्बर वडा कार्यालयले वडाका आठ वटा टोल विकास संस्थालाई हाते ट्रयाक्टर वितरण गरेको छ । आर्थिक वर्ष २०८०/८१ को अनुदान योजनाअन्तर्गत कार्यालयले प्रत्येक संस्थालाई एउटाका दरले हाते ट्रयाक्टर वितरण गरेको हो ।

वडास्तरीय योजनाबाट विनियोजन भएको ५ लाख ५० हजार रुपैयाँबाट ट्रयाक्टर खरीद गरी सोमबार वितरण गरिएको वडा अध्यक्ष लक्ष्मी प्रसाद अधिकारीले जानकारी दिए । उनका अनुसार प्रतिट्रयाक्टरको खरीद मूल्य ६५ हजार रुपैयाँ रहेको छ । यसमा इटहरीदेखि वडासम्म थप ढुवानी खर्च लागेको वडा अध्यक्ष अधिकारीले बताए ।

हाते ट्रयाक्टर पाउने टोल विकास संस्थाहरुमा त्रिपुरेश्वर महादेव खाल्डे खत्रीगाउँ, आछम्बु, हुम्बुङदेवी, मायादेवी हुम्बुङ मालबाँसे रहेका छन् । त्यसैगरी कालिकादेवी, पञ्चकन्या, सिद्धमार्ग र सिंहदेवी टोल विकास संस्थाले पनि अनुदान योजनाअन्तर्गतको हाते ट्रयाक्टर पाएका हुन् ।

सोमबार फाक्सीस्थित वडा कार्यालयमा वडा सदस्यहरु, वडा सचिव लगायतको उपस्थितिमा ट्रयाक्टर वितरण गरिएको वडा अध्यक्ष अधिकारीले बताए ।