पतिकाे स्मृतिमा अक्षयकोष स्थापना

मादी नगरपालिका-३, आहालेस्थित सिंह भगवती आवासीय विद्यालयमा स्थानीय अभिभावकले अक्षयकाेष स्थापना गरिदिएका छन् । स्थानीय दिलमाया देवानले आफ्ना स्वर्गीय पति राजबहादुर देवानकाे स्मृतिमा अक्षयकाेष स्थापना गरिदिएका हुन् ।

विद्यालयका प्रधानाध्यापक खड्गबहादुर दर्जीका अनुसार देवानकाे परिवारले ३५ हजार रूपैयाँकाे अक्षयकाेष खडा गरिदिएकाे हाे । त्यसैगरी शिक्षक व्यवस्थापन काेषका लागि पनि साेही १५ हजार रूपैयाँ प्रदान गरेकाे प्रधानाध्यापक दर्जीले जानकारी दिए । दुवै रकम दिलमायासहित छाेराछाेरीहरू अशाेक, रेशम, राधिका र कृष्णमायाले संयुक्त रूपमा उपलब्ध गराएका हुन् ।

रकम विद्यालयलाई हस्तान्तरण भइसकेकाे छ । अक्षयकाेषबाट प्राप्त ब्याजले कक्षा ६-८ मा अध्ययनरत विद्यार्थीले हरेक वर्षको वार्षिक परीक्षामा उत्कृष्ट अंक ल्याउने १ छात्र १ छात्रा र गरिब तथा जेहेन्दार १ छात्र, १ छात्रा गरी ४ जनालाई नगद पुरस्कार विद्यालयको वार्षिकोत्सवमा प्रदान गरिने प्रधानाध्याक दर्जीले जानकारी दिए ।