संखुवासभा जिल्ला लिग फुटबल : पहिलो दिन ३ खेल

जिल्ला फुटबल संघ संखुवासभाको आयोजनामा आजबाट जिल्ला लिग फुटबल प्रतियोगिता शुरु भएको छ । खाँदबारी नगरपालिका-३ मानेभञ्ज्याङस्थित खेलमैदानमा सञ्चालन भइरहेकाे लिगअन्तर्गत पहिलाे दिन तीन खेल भएका छन् ।

उद्घाटन खेलमा लोहोरुङ क्लबले नवयुग युथ क्लबलाई १-० गोलअन्तरले पराजित गर्दै विजयी सुरुवात गरेको छ । अर्को खेलमा खाँदबारी युथ क्लबले हाङथुम क्लबलाई १-० गोलअन्तरले पराजित गरेको छ । आजकाे अन्तिम खेलमा सेकाहा सामुदायिक विकास क्लब र तुम्लिङटार स्पोर्टिङ क्लबले गाेलरहित बराबरी खेलेका छन् ।

अखिल नेपाल फुटबल संघ (एन्फा)को वार्षिक कार्यक्रमअनुसार सञ्चालित प्रतियाेगितामा जिल्लाका ८ क्लब सहभागी छन् । ८ टिमलाई दुई समूहमा विभाजन गरिएकाे छ । जेठ १५ गतेसम्म प्रतियाेगिताका खेलहरू सञ्चालन हुने संघका अध्यक्ष भरतकुमार घिमिरेले जानकारी दिए ।

लिग विजेताले नगद ५० हजार, उपविजेताले ३० हजार र सेमिफाइनमा पराजित हुने २ टिमले नगद १०/१० हजार रुपैयाँ प्राप्त गर्नेछन् ।