‘तुमोक भेट्रान कप’को उपाधि तेल्लोकले जित्यो

धर्मदेवी नगरपालिका–२, तामाफोकमा सञ्चालित दोस्रो वडास्तरीय ‘तुमोक भेट्रान कप २०८१’ पुरुष फुटबल प्रतियोगिताको उपाधि वडा नम्बर २, तेल्लोकले जितेको छ ।

शनिबार तामाफोकस्थित खेलमैदानमा भएको फाइनलमा वडा नम्बर ५, कुन्ताङलाई २–१ गोल अन्तरले पराजित गर्दै तेल्लोकले उपाधि जितेको हो । उपाधिसँग तेल्लोकले ट्रफी र नगद ३१ हजार प्राप्त गरेको छ । उपविजेता कुन्ताङले पनि ट्रफीसहित नगद २१ हजार प्राप्त ग¥यो ।

उभौली पर्वको अवसरमा आयोजित प्रतियोगितमा ६ टिम सहभागी थिए । प्रतियोगितामा ३१ वर्षमाथि उमेरका खेलाडीलाई सहभागी गराइएको थियो ।

प्रतियोगिता २ नम्बर वडा कार्यालय र स्थानीय मिरमिरे युवा क्लबको संयुक्त आयोेजनामा सञ्चालन भएको हो । आगामी दिनमा प्रतियोगितालाई अझ भव्य र वृहत बनाइने क्लबका अध्यक्ष प्रेम जिमीले बताए ।