आईपीभी खोप अभियान आजदेखि

सरकारले आजदेखि पोलियो रोगविरुद्धको आईपीभी (इनएक्टिभिटेड पोलियो भ्याक्सिन) खोप अभियान सञ्चालन गर्दै छ ।

खोप अभियान जेठ २६ गतेसम्म सञ्चालन हुने स्वास्थ्य सेवा विभागले जनाएको छ । यसअघि छुटेका साढे १४ लाखभन्दा बढी बालबालिकाहरुलाई आईपीभी खोप दिने अभियान सञ्चालन गर्न लागिएको हो । यस पटक २०७३ साल वैशाखदेखि २०७५ साल असोज महिनासम्म जन्मिएका बालबालिकालाई आईभीपी खोप दिइने छ ।

खोप केन्द्र र खोप अभियान सञ्चालन हुने मितिबारे नजिककाे विद्यालय वा स्वास्थ्य संस्थामा सम्पर्क गरेर थाहा पाउन सकिने विभागल  जनाएकाे छ ।