खाँदबारीमा प्रदेशस्तरीय पुरुष ब्याडमिन्टन प्रतियोगिता हुँदै

जिल्ला सदरमुकाम खाँदबारीमा कोशी प्रदेशस्तरीय पुरुष ब्याडमिन्टन प्रतियोगिता हुने भएको छ । जिल्ला ब्याडमिन्टन संघले आगामी असार ६ देखि ८ गतेसम्म प्रतियोगिता सञ्चालन गर्न लागेकाे हाे ।

संघका अनुसार प्रदेशस्तरीय पुरुष डबल र भेट्रान्स ब्याडमिन्टन प्रतियोगिता हुने भएकाे हाे । प्रतियोगितामा पुरुष डबलतर्फ विजयी हुने टिमले जनही ६० हजार नगद पाउने छन् । उपविजेताले ३५ हजार रुपैयाँ पाउने संघका अध्यक्ष राजु श्रेष्ठले जानकारी दिए । उनका अनुसार भेट्रान्सतर्फका विजयीले भने जनही ५० हजार र उपविजेताले ३० हजार नगद पुरस्कार प्राप्त गर्नेछ ।

प्रतियाेगितका खेलहरू खाँदबारी-१, घिमिरेगाउँस्थित साेमनाथ मेमाेरिय इन्डाेर स्टेडियम हलमा हुने संघले जनाएकाे छ ।