फोटो तथा भिडियोग्राफी तालिम सम्पन्न

फोटो तथा भिडियोग्राफीसम्बन्धी तीन दिने आधारभूत तथा क्षमता विकास तालिम खाँदबारीमा सम्पन्न भएको छ । नेपाल प्रेस युनियन जिल्ला शाखा संखुवासभाको संयोजनमा तालिम सञ्चालन गरिएको थियो ।

बिहीबार सम्पन्न तालिममा जिल्लामा क्रियाशील पत्रकारसहित करिब ३० जना सहभागी थिए । तालिमको सहजीकरण फोटो पत्रकार द्वारिका काफ्ले र सुशील श्रेष्ठले गरेका हुन् । तालिमले फोटो तथा भिडियोग्राफीमै भविष्य खोजेहरुको लागि थोरै भए पनि सहयोग पुग्ने नेपाल प्रेस यूनियन जिल्ला शाखा संखुवासभाका अध्यक्ष दिपेन्द्र शाक्यले बताए ।

जिल्लाका हरेक युवालाई प्रविधिमैत्री बनाउँदै आफ्नै ठाउँमा बसेर व्यावसायिक काम गर्ने वातावरण सिर्जना गर्न फोटो तथा भिडियोग्राफी तालिम उपयोगी बन्ने घरेलु तथा साना उद्योग कार्यालयका प्रमुख प्रेमकुमार राईले विश्वास व्यक्त गरे । घरेलु तथा साना उद्योग कार्यालय संखुवासभाले तालिमका लागि आर्थिक सहयोग गरेको थियो ।