कोदोबारीमा भेटिएको ह्यान्ड ग्रिनेट बम सेनाले गर्यो निस्कृय
मादी नगरपालिका-६, शिरिसेमा भेटिएको ह्यान्ड ग्रिनेट बम नेपाली सेनाले निस्क्रिय (डिस्पोज) गरेको छ । सदरमुकाम खाँदबारीस्थित नयाँ भैरवी दल गुल्मका सेनाले मंगलबार बम डिस्पोज गरेका हुन् ।
सोमबार बिहान मादी-पिलुवा सडकखण्डबाट करिब २० मिटर तल रहेको भवानीप्रसाद दाहालको कोदोबारीमा बम भेटिएको थियो । बम फेला परेको करिब ८ घण्टापछि डिस्पोज गरिएको जिल्ला प्रहरी कार्यालयका प्रहरी निरीक्षक रामकुमार लामिछाने जानकारी दिए ।
प्रहरी निरीक्षक लामिछानेका अनुसार शंकास्पद वस्तु हेन्ड ग्रिनेट भएको पुष्टि भएपछि घटनास्थल प्रहरीले घेरेर राखेको थियो । बम पुरानो भएकाले द्वन्द्वकालको हुनसक्ने अनुमान गरिएको छ ।
