प्रदेश पुन: नामांकन संघर्ष समितिको संयोजकमा थेगिम

‘प्रदेश नं. १ पुनः नामांकन संयुक्त सघर्ष समिति’को नेतृत्वमा जिम्मेवारी परिवर्तन भएको छ ।

समितिको नेतृत्व आलोपालो गर्ने नीतिअनुसार प्रेम येक्तेनबाट संयोजकको जिम्मेवारी पुनः डकेन्द्रसिंह थेगिमलाई हस्तान्तरण गरिएको छ । मंगलबार झापाको दमकस्थित किरात धर्म तथा साहित्य उत्थान संघको सभाहलमा मंगलबार बसेको समितिको बैठकले धर्म निरपेक्षतासहितको संघीय गणतन्त्रको रक्षा र विकासको पक्षमा उभिने निर्णयसमेत गरेको छ ।

समितिले आन्दोलनको समीक्षा गर्दै प्रदेशमा विद्रोहको वातारण बन्नुले आन्दोलन सही गन्तव्यतर्फ अघि बढेको निष्कर्ष निकालेको छ ।