नेकपा एकीकृत समाजवादी संखुवासभाको नवौं अधिवेशन सम्पन्न

नेकपा एकीकृत समाजवादी संखुवासभाको नवौं अधिवेशन सम्पन्न भएको छ ।

मंगलबार खाँदबारीमा सम्पन्न अधिवेशनले सुमन शाक्यको अध्यक्षतामा ४७ सदस्यीय कार्यसमिति निर्वाचित गरेको छ । जिल्ला कमिटी उपाध्यक्षमा उपेन्द्र राई र लक्ष्मी चापागाईं, सचिवमा राजेश खड्का, उपसचिवमा ईन्द्र कार्की, सुलोचना शाक्य र झलक गुरुङ चयन भएका छन् ।

पार्टीका केन्द्रीय उपमहासविच तथा कोशी प्रदेश ईञ्चार्ज राजेन्द्रकुमार राईको प्रमुख आतिथ्यतामा सम्पन्न अधिवसेनको अध्यक्षता मानसिङ पोख्रेलले गरेका थिए । उक्त अधिवेसनमा पोलिटब्यूरो सदस्य सुदेश पराजुली, केन्द्रीय सदस्य तथा संखुवासभा ईञ्चार्ज उमेशकुमार डाँगी, सहईञ्चार्ज तथा केन्द्रीय सदस्य हेमराज घिमिरे, केन्द्रीय सदस्यहरु पदमकुमारी गुरुङ र सरिता खड्का लगायतको उपस्थिति थियो ।